Breaking News

[post-marguee]

[ays_poll id=7]

डॉ. नरेश गिते महावितरण कंपनीचे संचालक (मानव संसाधन) पदी रुजू

Jan 13, 2022

महावितरण कंपनीचे संचालक (मानव संसाधन) म्हणून डॉ. नरेश गिते यांनी गुरुवारी (दि. १३) कार्यभार स्वीकारला. त्यांची या पदावर थेट भरती प्रक्रियेतून निवड झाली आहे. याआधी ते महावितरणमध्ये औरंगाबाद प्रादेशिक विभागाचे सहव्यवस्थापकीय संचालक म्हणून सेवानिवृत्त झाले होते.

राज्य शासनाच्या विविध विभागांमध्ये ३८ वर्षांचा प्रशासकीय सेवेचा प्रदीर्घ अनुभव असलेले डॉ. नरेश गिते यांनी १९८३ मध्ये जिल्हा परिषदेचे उपमुख्य कार्यकारी अधिकारी म्हणून प्रशासकीय सेवेला प्रारंभ केला. त्यानंतर सन २००९ मध्ये भारतीय प्रशासकीय सेवामध्ये (आयएएस) डॉ. गिते यांची निवड झाली. त्यानंतर नाशिक जिल्हा परिषदेचे मुख्य कार्यकारी अधिकारी, मिरा भाईंदर महानगरपालिकेचे आयुक्त, राज्य शासनाच्या पाणीपुरवठा व स्वच्छता विभागाचे सहसचिव, महानंद डेअरीचे व्यवस्थापकीय संचालक आदी पदांवर डॉ. गिते यांनी काम केले आहे.

तसेच महावितरणच्या औरंगाबाद प्रादेशिक विभागाचे सहव्यवस्थापकीय संचालक म्हणून डॉ. नरेश गिते यांनी सुमारे नऊ महिन्यांच्या कालावधीत प्रामुख्याने ग्राहकसेवा, सुरळीत वीजपुरवठा तसेच थेट गावात जाऊन वीजप्रश्न सोडविण्यावर भर दिला. राज्य शासनाच्या कृषिपंप वीजजोडणी धोरण २०२०च्या अंमलबजावणीची विशेष जबाबदारी महावितरणच्या व्यवस्थापनाकडून डॉ. गिते यांच्याकडे देण्यात आली होती. यामध्ये ४५ दिवसांच्या ‘कृषी ऊर्जा पर्वा’च्या माध्यमातून ही योजना गावोगावी पोहोचविण्यात त्यांनी योगदान दिले. गेल्या वर्षी मे महिन्यात ते सेवानिवृत्त झाले होते. त्यानंतर महावितरणच्या संचालक (मानव संसाधन) पदी थेट भरती प्रक्रियेतून डॉ. गिते यांची नुकतीच निवड झाली.

राज्यातील 2 कोटी ८० लाख वीजग्राहकांना सेवा देणाऱ्या महावितरणचे अंतर्गत मानव संसाधनाचे प्रशासकीय कामकाज आधुनिक तंत्रज्ञानाच्या सहाय्याने आणखी वेगवान तसेच तत्पर व सकारात्मक करण्यास प्राधान्य देण्यात येईल असे डॉ. नरेश गिते यांनी सांगितले.

अजून बातम्या वाचा..

जागतिक प्राणी दिवस

जागतिक प्राणी दिवस

वन्यजीव सप्ताह ७ ओक्टोंबर २०२२ पक्षी आणि सूर्य ... जंगलातील सर्वात सुंदर गोष्ट म्हणजे तिथे होणारे...

read more
रविवारी भगवान वाल्मीकी जयंती तसेच ईद – ए – मिलाद : आठवडे बाजारातील व्यावसायिकांनी मिरवणूक मार्गावर दुकाने ठाटू नये – मुख्याधिकाऱ्यांचे आवाहन

रविवारी भगवान वाल्मीकी जयंती तसेच ईद – ए – मिलाद : आठवडे बाजारातील व्यावसायिकांनी मिरवणूक मार्गावर दुकाने ठाटू नये – मुख्याधिकाऱ्यांचे आवाहन

मनमाड शहरातील सर्व फळ विक्रेते ,भाजी विक्रेते तसेच सर्व व्यावसायीकांना नगरपालिका प्रशासनातर्फे...

read more
झाशीची राणी लक्ष्मीबाई नवदुर्गा महिला नवरात्रोत्सव मंडळ आयोजित विविध स्पर्धांचे बक्षीस वितरण राजेश कवडे यांच्या हस्ते संपन्न

झाशीची राणी लक्ष्मीबाई नवदुर्गा महिला नवरात्रोत्सव मंडळ आयोजित विविध स्पर्धांचे बक्षीस वितरण राजेश कवडे यांच्या हस्ते संपन्न

नांदगाव सोमनाथ घोंगाणे शहरातील इंद्रायणी नगर (चांडक प्लॉट) येथे झाशीची राणी लक्ष्मीबाई नवदुर्गा...

read more
नगर परिषद कर्मचाऱ्यांच्या विविध देय रकमा अदा कराव्यात : म्युनिसिपल कामगार सेनेची निवेदनाद्वारे मागणी

नगर परिषद कर्मचाऱ्यांच्या विविध देय रकमा अदा कराव्यात : म्युनिसिपल कामगार सेनेची निवेदनाद्वारे मागणी

मनमाड नगर परिषद म्युनिसिपल कामगार सेनेच्या वतीने कर्मचाऱ्यांच्या विविध देय मागण्यांबाबत चे निवेदन...

read more
[hsas-shortcode group="" speed="10" direction="left" gap="50"]