Breaking News

[post-marguee]

[ays_poll id=7]

यांसी जीवन ऐसे नाव, मतिमंद मुलांच्या चेहऱ्यावरील भाव छटा…

Sep 18, 2022

 

काल आमचे मित्र डॉ.उदय मेघावत यांची मुलगी अन्वेशाचा वाढदिवस ( १७ सप्टेंबर ) होता…त्या निमित्ताने हा वाढदिवस मतिमंद शाळेतील विद्यार्थ्यांमध्ये जावून साजरा करायचा असं तिने ठरवले होते..त्यानुसार शहरालगत असलेल्या गंगाधरी येथील मतिमंद शाळेशी संपर्क करत आम्ही तशी सूचना शाळेतील शिक्षक यांच्यापुढे मांडली आणि मुलांना जेवण देण्याबाबतही विचारले..तेथील शिक्षकांनी होकार देताच सायंकाळी ६ वाजेपर्यंत या. असे सांगितले…त्यानुसार आम्ही ६ वाजता गरमा गरम मसाले भात व साजूक तुपाचा शीरा घेवून तिथे पोहोचलो…शाळेत जशी आमची ‘ एंट्री ‘ झाली तशी शाळेतील मुलांची लगबग सुरू झाली..जेवणाचे साहित्य खाली उतरवले अन् मुलांकडे जावून बसलो…त्यात एका मुलीने ‘ मॅडम आली मॅडम आली ‘ म्हणून आवाज दिला..मतिमंद मुलं असल्याने ते कसे असतील, कसा प्रतिसाद देतील हे सर्व प्रश्न डोक्यात असतांनाच त्यांनी या हुशारीचा प्रत्यय आणून दिला..मग सर्व मुलांनी मॅडमचे स्वागत म्हणून ‘ टाळ्या ‘ देखील वाजवल्या.. मुलं जेवायला बसली..उदय, निष्मा मॅडम, निखिल, खुशू तसेच अन्वेशाने देखील या मुलांना वाढायला सुरुवात केली..त्यानंतर मुलांनी गरमागरम मसाले भात व साजूक तुपाच्या शिऱ्या सोबत जेवणाचा आनंद घ्यायला सुरुवात केली..जेवण सुरू असतांना मध्येच ही मुलं आपल्या सोबत असलेल्या मुलांची काहीतरी चेष्टा करून हसावायची..एक वेगळाच आनंद व्हायचा त्यांच्याकडे बघून..जेवण करतांना देखील आपल्याला काय हवंय हे अगदी सहज तेथील उपस्थित शिक्षकांना ते सांगायचे..काहींच्या तोंडून पदार्थांबाबत उच्चार निघत नव्हता मात्र तेथील उपस्थित शिक्षक ते लगेचच ओळखून त्यांच्यापुढे मांडायचे..मनसोक्त जेवणाचा आनंद लुटल्यानंतर मग आम्ही त्या मुलांशी व शिक्षकांशी चर्चा करू लागलो..ते मुलं कशी वागतात, त्यांना कसं सांभाळावं लागतं वैगरे असे आमच्या मनातील प्रश्न होतेच..शिक्षकांनीही मग आम्हाला त्यांचा सांभाळ करण्याच्या पद्धती सांगितल्या.. अर्थात अशी मुलं सांभाळणे तसे जिकिरीचेच काम..त्यातील काही मुलं वागण्यात कशी हुशार आहे हे सरांनी आम्हाला सांगितलं..तेवढ्यात एक मुलगा कानाला मोबाईल लावून पुढे आला..मग आम्ही सहजच उत्सुकतेने सरांना विचारलं की सर हा तर मोबाईल वापरतो…त्यावर सरांनी उत्तर दिलं की, तो मोबाईल नसून त्याने एक लाकडी वस्तूला कव्हर लावून त्यावर तारेने विशिष्ट पद्धतीने पॅक करून त्याचा मोबाईल बनवला आहे ..आम्हीही तो त्याचा मोबाईल हाताळला असता अतिशय कल्पनाशक्ती वापरून सुंदर अशा पद्धतीने त्याने तो तयार केलेला होता..आणि विशेष म्हणजे त्या मोबाईल मध्ये मस्तपणे आणि दिलखुलास पणे रमतही होता..या मुलांमध्ये तांड्यावरील ‘ तेजू ‘ नावाची एक मुलगी देखील होती, ती आपल्या इतर शाळेतील सहपाठी मुलांसोबत हिंदीमध्ये संवाद करायची कारण ति बंजारा कुटुंबातील असल्याने तीला मराठी भाषा तशी स्पष्ट बोलता येत नव्हती..मग आम्ही तिच्याशी बंजारा भाषेत संवाद साधला असता अतिशय छान पद्धतीने तिने उत्तर दिली..अर्थात आमचे प्रश्नही आई कुठे आहे ?, आईचे नाव काय असेच होते ? पण तिने त्या प्रश्नांचे योग्य असे उत्तर दिले…मग सर्व मुलं आणि शिक्षकांसोबत काही फोटो आणि सेल्फी देखील काढले..फोटो काढतांना पण ही मुलं अतिशय खुश आणि समाधानी दिसत होती..थोड्यावेळ या मुलांमध्ये आम्ही इतके रमून गेलो की तिथून निघावं असं वाटतं नव्हत पण शिक्षक आणि मुलांची रजा घेवून आम्ही निघालो असता मुलांनी आम्हाला ‘ बाय ‘ करून निरोप दिला..पण तो ही आम्हाला भेटायला लवकर या, या वाक्यानेच..एकीकडे मुलांना आपण सर्व काही उपलब्ध करून देतो तरीही समाधानी नसलेली आपली मुलं..आणि त्या मुलांना कुठल्याही गोष्टी सहज उपलब्ध होत नसतांना त्यांची जीवन जगण्याची धडपड मात्र वाखाणण्याजोगीच होती..त्या मुलांच्या चेहऱ्यावरील समाधान व गोड हसू आजही आमच्या डोळ्यात तरळत आहे..

– संदीप जेजुरकर, नांदगाव..

अजून बातम्या वाचा..

आता नाशिक मधील रस्ते-परिसर दिसणार ३६०° अंशात ; गुगल स्ट्रीट व्हीव नवीन फिचरने वाढणार रंगत

आता नाशिक मधील रस्ते-परिसर दिसणार ३६०° अंशात ; गुगल स्ट्रीट व्हीव नवीन फिचरने वाढणार रंगत

गूगल (Google) नवी फीचर आणार अशी चर्चा होती. अखेर या चर्चेला आता पूर्णविराम लागला आहे. गूगल मॅप्सने...

read more
प्लास्टिक पुनर्वापर आणि स्वच्छ मनमाड कार्यक्रमात सहभागी व्हावे : विकास काकडे

प्लास्टिक पुनर्वापर आणि स्वच्छ मनमाड कार्यक्रमात सहभागी व्हावे : विकास काकडे

प्लास्टिक पुनर्वापर आणि स्वच्छ मनमाड कार्यक्रमांतर्गत केलेल्या आवाहनास प्रतिसाद म्हणून मनमाड मधील...

read more
एच.ए.के.हायस्कूल & ज्यु.कॉलेज,मनमाड मध्ये डॉ. ए.पी.जे.अब्दुल कलाम यांच्या स्मृतीदिनानिमित्त विनम्र अभिवादन.

एच.ए.के.हायस्कूल & ज्यु.कॉलेज,मनमाड मध्ये डॉ. ए.पी.जे.अब्दुल कलाम यांच्या स्मृतीदिनानिमित्त विनम्र अभिवादन.

मनमाड:- एच.ए.के.हायस्कूल & ज्यु.कॉलेज मध्ये संस्था व शाळा समन्वयक अमोल निकम सर यांच्या...

read more
स्वातंत्र्याच्या अमृत महोत्सवानिमित्त “ऊर्जा महोत्सव” कार्यक्रमाचा शुभारंभ ‘वीज देशाच्या प्रगतीतील अत्यंत महत्वपूर्ण घटक’ कार्यक्रमात उपस्थित सर्वांचे प्रतिपादन

स्वातंत्र्याच्या अमृत महोत्सवानिमित्त “ऊर्जा महोत्सव” कार्यक्रमाचा शुभारंभ ‘वीज देशाच्या प्रगतीतील अत्यंत महत्वपूर्ण घटक’ कार्यक्रमात उपस्थित सर्वांचे प्रतिपादन

नाशिक : स्वातंत्र्याच्या अमृत महोत्सवानिमित्त उज्ज्वल भारत उज्ज्वल भविष्य "अंतर्गत आझादी का अमृत...

read more
छत्रे विद्यालयाची ज्ञानेश्वरी चव्हाण ने राष्ट्रीय छात्र सेनेच्या रायफल शूटिंग मध्ये प्रथम क्रमांक  पटकावला

छत्रे विद्यालयाची ज्ञानेश्वरी चव्हाण ने राष्ट्रीय छात्र सेनेच्या रायफल शूटिंग मध्ये प्रथम क्रमांक पटकावला

छत्रे विद्यालयाची विद्यार्थिनी एन सी सी कॅडेट ज्ञानेश्वरी चव्हाण हिने राष्ट्रीय छात्र सेनेच्या 50...

read more
भारतीय स्वातंत्र्याचा अमृतमहोत्सव : शहरातील महापुरुषांच्या पुतळ्यांचे सुशोभीकरण करण्याची आव्हाड यांची मागणी

भारतीय स्वातंत्र्याचा अमृतमहोत्सव : शहरातील महापुरुषांच्या पुतळ्यांचे सुशोभीकरण करण्याची आव्हाड यांची मागणी

भारतीय स्वांतत्र्याच्या अमृतमहोत्सव निमित्त मनमाड शहरात असलेल्या महापुरुषांच्या पुतळ्यास...

read more
[hsas-shortcode group="" speed="10" direction="left" gap="50"]