केंद्र सरकारने हॉलमार्क कायदा लागू केल्यापासून सोने दागिन्यांची शुद्धता व्यापाऱ्यांना ठेवणे बंधनकारक असून हॉल मार्क सेंटर मधून ह्या दागिन्यांच्या शुद्धतेचा हॉलमार्क, दुकानाचा लोगो आणि HUID असणे गरजेचे तसेच gst चे पक्के बिल देणे बंधनकारक असून केंद्र सरकारने व्यापाऱ्यांना वेळोवेळी ह्यात सूट देऊ केलेली आहे. ग्राहकांना त्यांच्या पैशाचा योग्य परतावा मिळावा व ग्राहकांची फसवणूक होऊ नये हाच ह्यामागील उद्देश्य आहे.
बी आय एस म्हणजेच Bureau OF INDIAN STANDARDS चे अधिकारी यांनी मनमाड शहरातील सराफ पेठेत येऊन सर्व व्यापार्यांच्या दुकानातील सोने अलंकारांची तपासणी करून दागिने हॉलमार्क आहे की नाही तसेच HUID केलेले आहे की नाही gst चे पक्के बिल दिले आहेत की नाही याची कसून तपासणी केली. ह्या घटनेमुळे बाजार पेठेतील व्यापाऱ्यांचे धाबे दणाणले तर काही व्यापाऱ्यांनी चक्क आपली दुकानेच बंद केल्याने शहरात ह्याविषयी उलट सुलट चर्चा होत असल्याचे कळते.
सदर तपासणी मोहीम ही पुढील 3–4 दिवस सुरू राहण्याची शक्यता वर्तविण्यात येत आहे.
