मविप्र संचलित आदर्श इंग्लिश मिडिअम स्कुल मध्ये आनंद मेळा उत्साहात साजरा झाला. विद्यार्थ्यांना कृतीयुक्त शिक्षण देण्याच्या उद्देशाने विद्यालयाच्या संकुलात आनंद मेळावा भरविण्यात आला होता. विद्यार्थ्यांना व्यवहार ज्ञानाची अनुभूती देण्यात आली. मेळाव्यात 40 विद्यार्थी सहभागी झाले होते, व 20 स्टॉल ची मांडणी करण्यात आली होती. उपक्रमाला शालेय व्यवस्थापन समिती चे अध्यक्ष श्री. विनोद भाऊ डमरे, शिक्षक पालक संघा चे अध्यक्ष श्री. विकासभाऊ करकाळे ,तसेच सैन्य दलात कार्यरत असणारे कर्तव्यदक्ष पालक श्री. सचिन भाऊ काळे उपस्थित होते.
नांदगाव तालुका संचालक मा. श्री. अमित भाऊ बोरसे यांच्या मार्गदर्शनाखाली हा उपक्रम राबविण्यात आला. मेळाव्यात विविध खाद्यपदार्थ विक्रीस ठेवण्यात आले होते. त्यात मिसळ पाव, पाव भाजी, भजी, भेळ, पाणी पुरी, इडली चटणी, गुलाबजाम, जिलेबी, सँडविच, आदी पदार्थ होते. विद्यार्थ्यांनी मनसोक्त आनंद लुटला.
पुस्तकी ज्ञानाबरोबर व्यवसायाभिमुख शिक्षण गरजेचे असल्याचे मत शाळेच्या मुख्याध्यापिका श्रीम. पुनम मढे मॅडमनी व्यक्त केले. उपक्रम यशस्वी होण्यासाठी वैशाली काळे, रुपाली शेलार, प्रियांका धात्रक, शीतल आहेर, ज्योती आहेर, सोनाली निश्चित, तसेच शिक्षकेतर कर्मचारी यांनी परिश्रम घेतले.
