मनमाड: येथील महात्मा गांधी विद्यामंदिर संचलित, कला, विज्ञान व वाणिज्य महाविद्यालय मनमाड येथे महाविद्यालयाचे प्राचार्य डॉ. सुभाष निकम यांच्या अध्यक्षतेखाली जागतिक आदिवासी दिन व क्रांती दिन साजरा करण्यात आला.
या कार्यक्रमासाठी कनिष्ठ महाविद्यालयाचे राज्यशास्त्र विभागाचे प्रा. सुनील बच्छाव प्रमुख वक्ते होते. त्यांनी आपल्या मनोगतातून जागतिक आदिवासी दिन व क्रांती दिनानिमित्त विद्यार्थ्यांना मार्गदर्शन केले.
आपल्या अध्यक्षीय मनोगतातून प्राचार्य डॉ. सुभाष निकम यांनी जगातील आदिवासी लोकांच्या हक्कांना प्रोत्साहन देणे, आणि त्यांचे संरक्षण करणे आणि पर्यावरण संरक्षणासारख्या जागतिक समस्यांमध्ये आदिवासी लोकांचे योगदान ओळखणे हा आदिवासी दिन साजरा करण्यात पाठीमागचा प्रमुख उद्देश आहे. तसेच स्वातंत्र्य संग्रामात अनेक थोर पुरुषांनी, क्रांतिकारकांनी आपल्या जीवाची पर्वा न करता देशाला स्वातंत्र्य केले.
या कार्यक्रमाप्रसंगी कनिष्ठ महाविद्यालयाच्या उपप्राचार्य सौ. ज्योती पालवे, महाविद्यालयातील प्राध्यापक व प्रशासकीय कर्मचारी व विद्यार्थी उपस्थित होते. या कार्यक्रमाचे सूत्रसंचालन प्रा. विठ्ठल फंड, आभार प्रा. दिलीप कातकडे यांनी मानले.
