राजस्थान येथे भारतीय सैन्य दलात कार्यरत असलेले निफाड तालुक्यातील खडक माळेगाव येथील जवान योगेश सुखदेव शिंदे हे बैल पोळा सणानिमित्त घरी आले होते.
काल दिनांक 15-9-2023 रोजी काही कामानिमित्त वनसगाव मार्गावर दुचाकीने जात असताना पिकअप गाडीने समोरासमोर धडक दिल्याने त्यांचा मृत्यू झाला.
त्यांच्या पश्चात आई,वडील,पत्नी,मुलगा, भाऊ भावजई असा परिवार आहे . त्यांचा मृतदेह देवळाली येथे रात्री हलवण्यात आला.
त्यांचा अंत्यसंस्कार शासकिय इतमामात करण्यात येणार आहे.
योगेश शिंदे यांच्या अपघाती निधनाने खडक माळेगाव,परिसरात गावांमध्ये शोककळा पसरली आहे.
मनमाड ता. २७ : महाराष्ट्राला लाभलेला छत्रपती शिवाजी महाराजांच्या गड किल्ल्यांचा समृद्ध ऐतिहासिक ठेवा मोबाईलमध्ये गुंतलेल्या आजच्या तरुण पिढीच्या मनामनांत रुजावा यासाठी नांदगाव मनमाड मराठी पत्रकार संघ आणि मनमाड शहर पोलीस स्टेशनच्या वतीने आयोजित केलेला गड किल्ले बांधणीचा आदर्श उपक्रम हा समाजातील युवा पिढीशी मातीची बांधिलकी निर्माण करणारा आहे असे प्रतिपादन पोलीस निरीक्षक विजय करे यांनी येथे केले.
[contact-field...
