मनमाड : शालेय शिक्षण व क्रीडा विभाग, क्रीडा व युवक सेवा संचलनालय पुणे आयोजित जिल्हा क्रीडा अधिकारी कार्यालय आणि जिल्हा क्रीडा परिषद नाशिक यांच्यातर्फे राबविण्यात आलेल्या शासकीय शालेय नाशिक जिल्हास्तरीय मैदानी स्पर्धेत महात्मा गांधी विद्यामंदिर संचलित कला विज्ञान व वाणिज्य कनिष्ठ महाविद्यालयाच्या १९ वर्षाआतील कु. निलेश बाराहाते (400 व 110 हर्डल्स, प्रथम) व कु. तुषार भालशिंगे ( 200 मी धावणे, प्रथम व 1500 धावणे, तृतीय ) तसेच पुणे विद्यापीठ व नाशिक विभागीय क्रीडा समिती आयोजित आंतर महाविद्यालयीन मैदानी स्पर्धेत वरिष्ठ महाविद्यालयातील कु. महेश घुगे (400 हर्डल्स प्रथम ) या खेळाडूंनी विजय संपादन केला. मनमाड महाविद्यालयातील या खेळाडूची विभागीय स्तरीय स्पर्धेसाठी निवड झाली आहे. या यशाबद्दल सर्व खेळाडूंचे महात्मा गांधी विद्यामंदिर संस्थेचे जनरल सेक्रेटरी डॉ. प्रशांतदादा हिरे, संस्थेच्या कोषाध्यक्ष डॉ स्मिताताई हिरे, समन्वयक डॉ.अपूर्वभाऊ हिरे, युवा नेते अद्वयआबा हिरे, विश्वस्त मा. संपदादीदी हिरे, महाविद्यालयाचे प्राचार्य डॉ.एस. एन. निकम, क्रीडा संचालक प्रा.सुहास वराडे, क्रीडा शिक्षक श्री महेंद्र वानखेडे, सर्व प्राध्यापक व प्रशासकीय कर्मचाऱ्यांनी विजय खेळाडूंचे अभिनंदन केले.
