श्री नेमिनाथ जैन ब्रम्हचर्याश्रम (जैन गुरुकुल) SNJB चांदवड या संस्थेच्या आयुर्वेद ऍन्ड मल्टिस्पेशालिटी हॉस्पिटल साठी महिंद्रा अँड महिंद्रा फायनान्सीयल सर्व्हिसेस लि.मुंबई मार्फत बोलेरो न्युओ ऍम्बुलन्स कार्पोरेट सोशियल रिस्पॉन्सिबिलीटी स्कीम (CSR) अंतर्गत डोनेट करण्यात आली.
मागील 98 वर्षात ज्ञानदानाचे काम करता-करता सामाजिक बांधिलकी म्हणून संस्थेने जे योगदान दिले आहे त्यात चांदवड व पंचक्रोशीतील गोरगरीबांना वैद्यकीय सहयोगाचा सिंहाचा वाटा राहीला आहे. कोवीड साथीच्या कालावधीत संस्थेने “डॉक्टर आपल्या दारी” हा उपक्रम राबवत दोन डॉक्टर्स, दोन ऍम्बुलन्स व दोन मदतनीसची टीम पुरवून खेडोपाडी व घरोघरी जाऊन सेवा दिली. कोरोना संसर्गापासून बचाव करणारे ARS-ALB-30 हे होमिओपॅथिक औषध मोफत वाटप, क्वारंटाईन व्यक्तींसाठी वसतिगृह तसेच कोवीड हाय आणि मिड रिस्क रुग्णांच्या उपचारासाठी हॉस्पिटल अशा विविध सेवा दिल्या आहेत.
वरीलप्रमाणे मागील 98 वर्षातील शैक्षणिक क्षेत्रातील संस्थेचे योगदान तसेच संस्थेच्या वैद्यकीय क्षेत्रातील दिर्घकालीन योगदानाची व सामाजिक बांधिलकी म्हणून दिलेल्या सामाजिक सहयोगाची दखल घेत या कामाची प्रशंसा म्हणून कार्पोरेट सोशियल रिस्पॉन्सिबिलीटी स्कीम (CSR) अंतर्गत महिंद्रा अँड महिंद्रा फायनान्सीयल सर्व्हिसेस मार्फत ही ऍम्बुलन्स डोनेट करण्यात आली आहे.
याकामी संस्थेच्या विश्वस्त मंडळाचे अध्यक्ष बेबीलाल संचेती यांनी विशेष मेहनत घेऊन सातत्यपूर्ण पाठपुरावा केला तसेच विश्वस्त व प्रबंध समितीचे अध्यक्ष अजित सुराणा यांनी महत्वपूर्ण मार्गदर्शन केले.
ऍम्बुलन्स अर्पण सोहळ्याप्रसंगी उपस्थित संस्थेच्या विश्वस्त मंडळाचे उपाध्यक्ष दिनेश लोढा, प्रबंध समितीचे उपाध्यक्ष अरविंद भन्साळी, सचिव झुंबर भंडारी, सदस्य कांतीलाल बाफना, नंदकिशोर ब्रम्हेचा, सुनील चोपडा,सुमती सुराणा, प्रबंध समिती सदस्य कमलेश ओस्तवाल, योगेश मोदी, रोशन टाटीया, अभिजित मोदी, डॉ.आकाश जैन, पंकज चोपडा तसेच प्रशासकीय अधिकारी पी.पी.गाळणकर, डॉ.गोटन जैन, आयुर्वेद व मल्टिस्पेशालिटी हॉस्पिटलच्या मेडिकल डायरेक्टर व प्रिंसिपल डॉ.दिपाली चंडालिया आदि उपस्थित होते.
