Breaking News

[post-marguee]

[ays_poll id=7]

गिरणानगर वासियांचा न.पा. हद्दीत समवेशास हिरवा कंदील – ठराव सर्वानुमते मंजूर !

Jan 6, 2022

नांदगाव शहराचा सर्वांगिण विकास साधण्यासाठी नगरपालिकेच्या सर्वसाधारण सभेत हद्दवाढीचा प्रस्ताव मंजूर करण्यात आला. त्यानुसार शहराला लागुन असलेल्या सहा ग्रामपंचायतीच्या विलीनीकरणाबाबत हालचाली सुरू असतांना बुधवारी गिरणानगर ग्रामपंचायतीची ग्रामसभा घेण्यात आली.

यावेळी नगर पालिकेत विलीनीकरणाचा ठराव सर्वांनुमते मंजूर करण्यात आला. ग्रामपंचायतीचा सर्वार्थाने विकास होण्यासाठी विलीनीकरण होणे आवश्यक आहे, अशी भूमिका आ. सुहास कांदे यांनी व्यक्त केली होती, त्यादृष्टीने ग्रामपंचायतींना पत्र पाठवत नांदगाव नगरपालीकेत विलीनीकरण करावे, असा ठराव मंजुर करावा असे आवाहन करण्यात आले होते, त्या आवाहनाला प्रतिसाद देत बुधवारी गिरणानगर ग्रामपंचायतीचे प्रशासक, ग्रामपंचायत विस्तार अधिकारी विजयकुमार ढवळे यांच्या अध्यक्षतेखाली ग्रामपंचायत कार्यालयाच्या मैदानात ग्रामसभा घेण्यात आली.

सभेच्या सुरुवातीला जेष्ठ समाजसेविका सिंधुताई सपकाळ यांना श्रध्दांजली अर्पण करण्यात आली.

ग्रामविस्तार अधिकारी गुंजाळ यांनी आमदार सुहास कांदे यांच्या पत्राचे वाचन केले व गिरणानगर ग्रामपंचायत नगरपालीकेत समाविष्ठ करण्याबाबतचा ठराव मांडला. सुनिल तुकाराम सोनवणे यांनी नगरपालीकेत ग्रामपंचायत गेल्यास गिरणानगर हद्दीतील शेतकऱ्यांच्या जमिनीवर आरक्षण टाकले जाईल म्हणून नगरपालीकेत जाण्यास विरोध दर्शविला तर अँड. उमेश अंबादास सरोदे, सचिन त्र्यंबकराव आहेर, रविंद्र हिरामण बोराळे, प्रवीण सोमासे आदी नागरिकांनी ग्रामसभेत मत मांडले. त्या नुसार परिसरातील रस्ते, पाणी, गटारी, लाईट व इतर भौतिक सुविधा आणि सर्वांगीण विकास होण्यासाठी गिरणानगर ग्रामपंचायत नांदगाव नगरपालीकेत समाविष्ट होण्याची अत्यंत आवश्यकता असल्याचे त्यांनी सांगितले. या विषयावर चर्चा झाल्यानंतर उपस्थित ३३२ पैकी ३३० विरुध्द २ या बहुमताने हा ठराव मंजूर करण्यात आल्याने गिरणानगर ग्रामपंचायतीला नांदगाव नगरपालीकेत समाविष्ट होण्याचा मार्ग मोकळा झाला आहे.

अजून बातम्या वाचा..

निष्ठावंत भाजपा पदाधिकारी नीळकंठ त्रिभुवन यांचे कन्येच्या विवाह प्रसंगी केंद्रीय आरोग्य राज्यमंत्री डॉ सौ भारतीताई पवार यांची उपस्थिती

मनमाड शहरातील राष्ट्रीय स्वयंसेवक संघ,विश्व हिंदू परिषद ओम मित्र मंडळ आणि नंतर भारतीय जनता पार्टी...

read more
परशुराम प्रतिष्ठान व सावरकर प्रेमी जनतेतर्फे स्वातंत्र्यवीर सावरकर यांना अभिवादन

परशुराम प्रतिष्ठान व सावरकर प्रेमी जनतेतर्फे स्वातंत्र्यवीर सावरकर यांना अभिवादन

शनिवार दिनांक २८ मे २०२२ रोजी मनमाड शहरातील चिंतामणी मंगल कार्यालय येथे श्री परशुराम प्रतिष्ठान...

read more
महिलेच्या गळ्यातील तीन तोळ्याची पोत ओरबाडणाऱ्या कोपरगावच्या चोरट्यांना अटक : परिसरातील तरुणांची समयसूचकता

महिलेच्या गळ्यातील तीन तोळ्याची पोत ओरबाडणाऱ्या कोपरगावच्या चोरट्यांना अटक : परिसरातील तरुणांची समयसूचकता

नांदगाव साकोरा रोडवर मंगळवारी सायंकाळी पल्सर मोटारसायकलवरून येवून महिलेची तीन तोळ्याची पोत चोरून...

read more
[hsas-shortcode group="" speed="10" direction="left" gap="50"]