माजी नगराध्यक्ष प्रवीण नाईक यांचे उद्यापासून स्मशानभूमीत धरणे आंदोलन

शिवसेनेचे माजी नगराध्यक्ष,नगरसेवक तथा विद्यमान सहसंपर्कप्रमुख प्रवीण नाईक हे सोमवार दि.२६/९/२०२२ रोजी मनमाड स्मशानभूमीत धरणे आंदोलन करणार असल्याचे त्यांनी पत्रकाद्वारे प्रसिद्धीस दिले आहे.आपल्यावर दाखल केलेल्या खोट्या गुन्ह्याबाबात उच्चस्तरीय (सी.बी आय.) चौकशी करण्यात यावी ह्या मागणीसाठी नाईक हे आजपासून धरणे आंदोलन करणार आहेत. आपले शेत हे रेल्वे रुळाच्या बाजूला असून अधूनमधून होणाऱ्या रेल्वे अपघाताचे वेळी अपघातग्रस्तांना औषधोपचार व मृतांना हॉस्पिटल मध्ये मी सदैव मदत करीत आलेलो आहे. दि. २/९/२०२२ रोजी शेतातून घरी येण्यास निघालो असता रुळा समीप उभ्या असलेल्या रेल्वे कर्मचाऱ्यांनी बोलावून फोन वर माहिती देण्यास सांगितले.आपण मनमाड पो.ठाण्याचे ए.पी.आय.गीते यांना फोन करून माहिती दिली त्याचवेळी तेथे एक आर. पी.एफ आले असता त्यास ए.पी.आय.गीते यांच्यासोबत बोलण्यास सांगितले त्यांनी गीते यांच्याशी बोलण्यास नकार दिला असता मी तेथून घरी निघून आलो. दुसऱ्या दिवशी सकाळी कळाले की माझ्याविरुद्ध ३५३ चा गुन्हा नोंदविण्यात आला . वकिलां च्या सूचनेवरून गुन्ह्याची नक्कल मिळविली असता त्यात माझ्यावर घाणेरड्या भाषेत खोटे आरोप केल्याचे निदर्शनास आले. ए.पी.आय. गीते यांचे वडील वारल्याने त्यांच्याशी संपर्क करू शकलो नाही. सदर खोट्या गुन्ह्याची उच्चस्तरीय (सी.बी.आय.) चौकशी व्हावी म्हणून आपण सोमवार पासून स्मशानभूमीत सकाळी ११ वाजता धरणे आंदोलन करणार असून तद्नंतर ही न्याय न मिळाल्यास आमरण उपोषण करण्याचा इशारा प्रवीण नाईक यांनी दिला असून सर्व परिणामांची जबाबदारी संबंधित अधिकाऱ्यांची राहील असे ही निवेदनात म्हटले आहे.