गुरुवारी (ता.१७) राज्य मंत्रिमंडळच्या झालेल्या बैठकीत राज्यातील विनाअनुदानित शाळांसाठी मोठा निर्णय घेण्यात आला आहे
राज्यातील विनाअनुदानित शिक्षकांच्या आंदोलनाला अखेर यश मिळाले आहे. सरकारने विनाअनुदानित शाळांसाठी तब्बल १ हजार १६० कोटी रुपयांच्या निधीला तत्वत: मंजुरी दिली आहे. राज्याचे शिक्षणमंत्री दीपक केसरकर यांनी याबाबतची माहिती दिली. अनुदानासाठी पुढील आठवड्यात सविस्तर प्रस्ताव आणि जीआर काढण्यात येणार असल्याचेही केसरकर यांनी सांगितले. केवळ पात्रता पूर्ण न केलेल्या शाळांना यातून वगळण्यात आल्याचेही त्यांनी स्पष्ट केले आहे.
