नवीन शैक्षणिक धोरण 2020 च्या तरतुदींनुसार आता देशभरातील 450 केंद्रीय विद्यालयात पूर्व प्राथमिक शाळांना या वर्षापासून सुरुवात करण्यात आली आहे. यात मनमाड मधील केंद्रीय विद्यालयाचा समावेश करण्यात आला आहे. पाच वर्षे पूर्ण झालेल्या व सहा वर्षांपेक्षा कमी वय असलेल्या बालकांना या वर्गात प्रवेश देण्यात येणार आहे. 5 जुलै ते 18 जुलै पर्यंत ऑनलाईन प्रवेश प्रक्रिया सुरू राहणार आहे. केंद्रीय विद्यालयांमध्ये पहिल्यांदाच पूर्वप्राथमिकच्या बालकांचा किलबिलाट ऐकू येणार आहे. महाराष्ट्रातील 20 केंद्रीय विद्यालयांमध्ये प्रायोगिक तत्त्वावर पूर्व प्राथमिकचे वर्ग जोडण्यात आले आहेत अशी माहिती केंद्रीय विद्यालयाचे प्राचार्य श्री सुनील परदेशी यांनी दिली आहे.
मनमाड गुरुद्वारा गुपतसर येथे दसऱ्याच्यानिमित्त शस्त्र पुजन
योगेश म्हस्के मनमाड :येथील गुप्तसर साहिब गुरुद्वारा मनमाडमध्ये दसऱ्याच्या निमित्ताने शिख...
