नांदगाव सोमनाथ घोगांणे
जालना जिल्ह्यातील आंतरवाली सराटी येथे मराठा समाजाच्या आंदोलकांवर केलेल्य लाठीमाराचे तीव्र पडसाद नांदगाव शहरात उमटले आहेत. सकल मराठा समाजातर्फे येथील हुतात्मा चौकातील महामार्गावर गुरुवारी सुमारे दोन तास रास्तारोको आंदोलन छेडण्यात आले.
रास्ता रोको आंदोलन प्रसंगी आमदार सुहास कांदे यांनी बोलताना सांगितले की, ज्या ज्या वेळेस मराठा बांधवासाठी राज्य शासनाच्या विरोधात जाण्याची वेळ आली तरी मी आपल्या सोबत आहे…तसेच त्यांनी सांगितले की, गणपती काळात विशेष अधिवेशन घेण्यात येणार आहे त्यामध्ये अनेक मुद्दे असून पण समान नागरी कायदा संदर्भात
चर्चा करण्यात येणार असल्याची माहिती आ.कांदे यांनी दिली.
यावेळी काही समाज बांधवांनी मुंडन करत शासनाचा निषेध केला.माजी आमदार संजय पवार, उद्धव ठाकरे शिवसेना तालुका प्रमुख संतोष गुप्ता, आम आदमी पार्टी चे,विशाल वडघुले, शिवकन्या सौ.संगिता सोनवणे यांच्यासह अन्य नेत्यांनी भाषणं करत राज्य सरकारच्या विरोधात संताप व्यक्त केला.
गेले अनेक वर्ष मराठा समाजा कडून आरक्षणाची मागणी केली जात आहे. परंतु सरकारकडून ठोस निर्णय घेतला जात नाही. या संदर्भात सरकारने ठोस निर्णय घ्यावा, लाठीचार्ज करणाऱ्यांचा शोध घ्यावा,गृहमंत्र्यांनी नैतिक जबाबदारी स्वीकारत राजीनामा द्यावा, तसेच लवकरात लवकर मराठा समाजाच्या संपुर्ण मागण्या पूर्ण कराव्या.मराठा समाजाचे मनोज दुरांगे पाटील यांना दिलासा द्यावा…अशी जोरदार मागणी आंदोलकांतर्फे केली गेली. यावेळी तहसीलदार डॉ. सिध्दार्थ मोरे यांना निवेदन देण्यात आले.. या आंदोलनात मराठा समाजासह इतर समाज बांधवही सहभागी झाले होते. यावेळी पोलीस निरीक्षक प्रितम चौधरी यांनी चोख बंदोबस्त ठेवण्यात आला होता..
