अखेर नाशिक महापालिका निवडणुकीचे बिगुल वाजले…!

येत्या फेब्रुवारी महिन्यात होणारी नाशिक महापालिका निवडणूक तीन सदस्यीय प्रभाग रचनेनुसार घेण्याच्या निर्णयावर 22 सप्टेंबर रोजी शिक्कामोर्तब झाले. त्यानुसार नाशिकमधील प्रभागांचा कच्चा आराखडा तयार करावा, असे आदेश मंगळवारी महापालिकेत येऊन धडकले. त्यानुसार या कामाला आज बुधवारपासून (6 ऑक्टोबर) सुरुवात करण्यात आली आहे. आयोगाने राज्यातील एकूण 21 महापालिकांना प्रभाग रचना तयार करायला सांगितली आहे. त्यासाठी कुणाच्याही राजकीय दबावाखाली येऊ नका. नाशिकची 2011 मधील लोकसंख्या डोळ्यांसमोर ठेवून नवीन प्रभाग रचना करावी. त्यासाठी अनुभवी अधिकाऱ्यांची समिती नेमावी, अशा सूचना देण्यात आल्या आहेत. ही रचना करताना प्रभागाची लोकसंख्या दहा टक्के कमी किंवा जास्त केली तरी चालेल. प्रभागातील वस्त्यांचे विभाजन होणार नाही, प्रगणक गट फुटणार नाहीत, याची काळजी मात्र घ्यावी लागेल.