Breaking News

[post-marguee]

[ays_poll id=7]

सलग 9 वेळा खासदार असणारे माणिकराव (दादासाहेब ) गावित यांचे निधन

Sep 17, 2022

माजी केंद्रीय राज्यमंत्री माणिकराव गावित यांचे निधन झाले. अल्पशा आजाराने त्यांची प्राणज्योत मालवली. ते ८८ वर्षांचे होते. माणिकराव गावित नंदुरबारमधून सलग ९ वेळा खासदार राहिले होते. ते कार्यकर्त्यांमध्ये ‘दादासाहेब’ म्हणून लोकप्रिय होते.

गावित यांच्या पार्थिवावर नवापूर येथे अंत्यसंस्कार करण्यात येणार आहेत. त्यांची प्रकृती बिघडल्याने त्यांच्यावर नाशिकधील खासगी रुग्णाल्यात उपचार सुरू होते. आज सकाळी आठ वाजेच्या सुमारास त्यांच्या निधनाची माहिती डॉक्टरांनी दिली.
माणिकराव गावित सलग ९ वेळा खासदार म्हणून निवडून येण्याचा बहुमान त्यांना मिळाला होता. त्यांचा जनसंपर्क दांडगा होता. त्यांनी १९६५ साली ग्रामपंचायतीच्या राजकारणाला सुरुवात केली होती. १९८१ साली पहिल्यांदा गावित खासदार झाले होते. त्यांनी केंद्रीय गृहराज्यमंत्री, सामाजिक न्यायमंत्री आदी पदांची जबाबदारी संभाळली आहे. ते लोकसभेचे हंगामी अध्यक्षही होते. माणिकराव गावित यांची मुलगी निर्मला गावित इगतपुरीच्या माजी आमदार ,तर मुलगा भरत गावित भाजपाचे जिल्हा परिषद सदस्य आहेत.

माणिकरावांनी १९६५ मध्ये ग्रामपंचायतीपासून राजकारणाचा श्रीगणेशा केला. त्यानंतर केंद्रीय गृह राज्यमंत्री, सामाजिक न्याय राज्यमंत्री अशी पदं न मागताच मिळाली. संसदेतील सर्वात ज्येष्ठ खासदार म्हणून त्यांनी लोकसभेचे हंगामी अध्यक्षपदही भूषवले होते. १९८१ मध्ये त्यांनी पहिल्यांदा लोकसभा लढवली व विजयीही झाले. त्यानंतर त्यांनी सलग नऊ वर्ष विजयी टिळा मिरवला.

माणिकराव गावित यांची राजकीय वाटचाल

नवापूर तालुक्यातील धुळीपाडा येथे २९ ऑक्टोबर १९३४ रोजी त्यांचा जन्म झाला.
त्यांचे शिक्षण जुन्या काळातील मॅट्रिकपर्यंत झाले.१९६५ साली ते नवापूर ग्रामपंचायतीचे सदस्य म्हणून निवडून आले.धुळे जिल्हा परिषदेत नवापूर गटातून ते सदस्य म्हणून निवडून आलेत.१९७१ ते १९७८ साली धुळे जिल्हा परिषदेचे समाज कल्याण सभापती म्हणून निवडून आले.१९८० साली नवापूरचे आमदार झाले.माणिकराव गावित हे १९८१ साली प्रथमच खासदार झाले, त्यावेळी त्यांचे ४७ वय होते.तेव्हापासून ते आतापर्यंत तब्बल ९ वेळा लोकसभेवर प्रचंड म्हणजे लाखाच्या मताधिक्याने निवडून आले आहेत.

१९९९ साली झालेल्या तेराव्या लोकसभेत त्यांना १.३०७७१ इतके प्रचंड मताधिक्य लाभले. देशातील प्रचंड मताधिक्य मिळवणाऱ्या टॉपटेन खासदारांमधील एक म्हणून संबंध देशाला ते परिचित झाले.

१९८१ ते२००९ हा माणिकराव गावित यांच्या खासदारकीचा रौप्य महोत्सवी काळ आहे. या काळात त्यांनी अनेक संसदीय समित्यांवर सदस्य म्हणून काम केले.

१९८१-८२ मध्ये ते समाज कल्याण समितीचे अध्यक्ष होते. १९८० ते १९८४ या काळात ते महाराष्ट्र राज्याच्या आदिवासी विकास महामंडळाचे अध्यक्ष होते.

१९९० ते १९९६ ,१९९८- ९९ तसेच २००० या काळात पेट्रोलियम आणि केमिकल व नैसर्गिक वायू या मंत्रालयाच्या सल्लागार समितीचे सदस्य म्हणून त्यांनी कार्य केले आहे. १९९१ ते ९३ आणि १९९० ते २००० या काळात त्यांनी रेल्वे मंत्रालयाशी संबंधित सल्लागार समितीवर सदस्य म्हणून कार्य केले आहे.

१९९८-९९ या काळात लेबर अॅण्ड वेल्फेअर मंत्रालयाच्या समितीचे सदस्य म्हणूनही कार्य केले आहे. १९९९ ते २००१ या काळात अनु. जाती व अनु.जमाती कल्याण समितीचेही सदस्य होते. १९९०-९१ आणि १९९९- २००० या काळात लोकसभा आणि राज्यसभा सदस्यांच्या अनुपस्थिती संदर्भातील समितीचे ही ते सदस्य होते.
सोनिया गांधी यांनी त्यांना २२ मे २००४ रोजी डॉ. मनमोहन सिंह यांच्या मंत्रिमंडळात केंद्रीय गृह राज्यमंत्री म्हणून स्थान मिळवून दिले.

अजून बातम्या वाचा..

(बघा व्हीडीओ) रॅलीला परवानगी नाकारली ; मनमाड ला उद्धव ठाकरेंच्या समर्थनार्थ घोषणाबाजी

(बघा व्हीडीओ) रॅलीला परवानगी नाकारली ; मनमाड ला उद्धव ठाकरेंच्या समर्थनार्थ घोषणाबाजी

सुमारे ९ दिवसांपासून राज्याच्या सत्ताधारी महाविकास आघाडीतील प्रमुख पक्ष शिवसेनेत झालेल्या...

read more
कला विज्ञान व वाणिज्य महाविद्यालय मनमाडच्या विद्यार्थ्यांची प्रथम खेलो इंडिया रांकिंग (महिला) स्पर्धेत कौतुगास्पद कामगिरी

कला विज्ञान व वाणिज्य महाविद्यालय मनमाडच्या विद्यार्थ्यांची प्रथम खेलो इंडिया रांकिंग (महिला) स्पर्धेत कौतुगास्पद कामगिरी

शैक्षणिक वर्ष २०२२ दरम्यान नागरोटा हिमाचल प्रदेश येथे दिनांक १७ ते २२ जून २०२२ पार पडलेल्या...

read more
भारतीय सैन्य दलात लेफ्टनंट या पदावर नेमणूक झाल्याबद्दल ओम गांगुर्डे आणि वेदांत घंगाळे ह्यांचा सत्कार

भारतीय सैन्य दलात लेफ्टनंट या पदावर नेमणूक झाल्याबद्दल ओम गांगुर्डे आणि वेदांत घंगाळे ह्यांचा सत्कार

चांदवड:  श्री नेमिनाथ जैन माध्यमिक व उच्च माध्यमिक विद्यालयातील ओम नितीन गांगुर्डे आणि वेदांत...

read more
आ.सुहास कांदे रहेनुमा फाउंडेशनच्या वतीने गुणवंत विद्यार्थी सत्कार समारंभ व गरीब विद्यार्थ्यांना मोफत शैक्षणिक साहित्य वाटप

आ.सुहास कांदे रहेनुमा फाउंडेशनच्या वतीने गुणवंत विद्यार्थी सत्कार समारंभ व गरीब विद्यार्थ्यांना मोफत शैक्षणिक साहित्य वाटप

नांदगाव शहरातील आ. सुहास कांदे रहेनुमा फाउडेंशनच्या वतीने गुणवंत विद्यार्थी सत्कार संभारभ...

read more

(बघा व्हिडिओ)मनमाडच्या शिवसैनिकांची पक्षप्रमुख उद्घव ठाकरे यांच्या समर्थनार्थ घोषणाबाजी

राज्यात ठिकठिकाणी सद्य राजकीय परिस्थितीवर समर्थन आणि विरोध प्रदर्शन सुरू आहे. आज मनमाडमध्ये सुद्धा...

read more
[hsas-shortcode group="" speed="10" direction="left" gap="50"]